«Շրջանառության հարկը մինչեւ 10 միլիոն զրո է դառնում, իսկ մինչեւ 53՝ մեկ տոկոս։ Համոզված եմ, որ քիչ է, Հովիկ Աբրահամյանն էլ է համոզված, որ 10-ը քիչ է, պետք է 30 միլիոնը զրոյացվի»,-այսօր «Հայելի» ակումբում լրագրողների հետ հանդիպմանը հայտարարեց ՀՀԿ-ական պատգամավոր Վարդան Այվազյանը: Նա հույս հայտնեց, թե շրջանառության հարկը հանվելու է ու մանրամասնեց. «Համոզված եմ, որ հենց այդպես էլ լինելու է։ Հովիկ Աբրահամյանն էլ հայտարարել է, որ իր համար կարեւորը քաղաքացին է,ինքը ասավ, ինչ ասավ՝մեզի համար առաջին թիրախը մարդն է: Եկեք միասին հաշվենք, շրջանառության հարկի վերաբերյալ հաշվետվություն է տալիս հիսուներեք հազարը։ Ավելի լավ է քսան միլիարդը բյուջե չբերեմ, բայց պետք է փաստաթուղթ տեսնեմ։ Սա նշանակում է, որ խոշորին պետք է բերել հարկային դաշտ։ Իսկ երբ մանրին հարկից զրկում ես, ապա այլեւս ստվեր չի մտնում»:
Անահիտ Բախշյանն էլ մտահոգություն հայտնեց, թե դա չի՞ նշանակում, որ Հովիկ Աբրահամյանն այդպիսով կհարվածի իր խնամիների-բարեկամների գրպաններին: Պարոն Այվազյանը պատասխանեց. «Եթե այդ օրենքը չընդունեն, ուրեմն դուք ճիշտ եք, այդ դեպքում ես կհրաժարվեմ իմ պաշտոնից»։
Տաթև ՀԱՐՈՒԹՅՈՒՆՅԱՆ
Կարդացեք նաև
