Քաղտեխնոլոգ Կարեն Քոչարյանի գնահատմամբ, ԲՀԿ առաջնորդ Գագիկ Ծառուկյանի հայտարարությունը, թե այս անգամ համապետական ընտրություններին հաղթանակը շրջանցելու է Մելիք Ադամյան փողոցը «քաղաքական ատամ» էր` ի պատասխան ՀՀԿ խոսնակ Էդուարդ Շարմազանովի վերջին հայտարարության:
Թե ինչքանով է Գագիկ Ծառուկյանի մատնանշած հաղթանակը կապված ՀՀ երկրորդ նախագահ Ռոբերտ Քոչարյանի հաղթական վերադարձի հետ, պարոն Քոչարյանն ասաց. «Առայժմ միայն տեսնում եմ, որ Ռոբերտ Քոչարյանը քաղաքական թոհուբոհի մեջ է, բայց այնպես չէ, որ անցած վեց տարիներին նա քաղաքականության մեջ չէր: Ռոբերտ Քոչարյանը երբեք էլ քաղաքականությունից դուրս չի եկել, պարզապես ինչ-որ մի պահի, որը օբյեկտիվ ու սուբյեկտիվ առումներով հարմար էր օգտագործել, որովհետեւ տնտեսությունը թուլացել էր, կար արտագաղթ, նա փորձեց օգտագործել, ինչը քաղաքական գործչի համար նորմալ է»:
Արփինե ՍԻՄՈՆՅԱՆ
Կարդացեք նաև
