Օդեսայում տեղի ունեցած բախումների մասնակիցների և զոհվածների մեջ կան օտարերկրացիներ, հայտնել է Ուկրաինայի փոխվարչապետ Վիտալի Յարեման ճեպազրույցի ժամանակ:
Ուկրաինական «Ինտերֆաքս»-ի փոխանցմամբ, Յարեման այլ մանրամասներ չի հայտնել՝ հետաքննության գաղտնիությունը պահելու հիմնավորմամբ:
Նրա խոսքերով, այդ գործողությունները ֆինանսավորել են անջատականները և նշել է, որ կասկածներ կան՝ անկարգություններին նաև ոստիկաններ են մասնակցել:
Ավելի վաղ Ուկրաինայի ՆԳՆ կայքում տեղեկատվություն էր հայտնվել այն մասին, որ Օդեսայի անկարգությունները կազմակերպել են Ռուսաստանի և Մերձդնեստրի քաղաքացիները:
Կարդացեք նաև
«ՌԻԱ Նովոստի»-ի փոխանցմամբ, ավելի ուշ Ուկրաինայի իշխանությունները Օդեսայում տեղի ունեցած ողբերգության մեջ մեղադրել են Ուկրաինայի նախկին փոխվարչապետ Սերգեյ Արբուզովին և եկամուտների նախկին նախարար Ալեքսանդր Կլիմենկոյին:
Իր նկատմամբ մեղադրանքները Մոսկվան հերքել է և անվանել «զառանցանք»:
Մայիսի 2-ին Օդեսայում տեղի ունեցած զանգվածային անկարգությունների ժամանակ 40-ից ավել մարդ է զոհվել, 200-ից ավել մարդ տեղափոխվել է հիվանդանոց:
Պատրաստեց Հովհաննես ԻՇԽԱՆՅԱՆԸ
А вот такого зверства киевским самозванцам не простят ни европейцы, ни американцы, никто!