Թատերագետ Լեւոն Մութաֆյանը պնդում է՝ տարածաշրջանում ազատ մամուլով Հայաստանը ամենաազատ երկիրն է: Թե ինչու է Freedom House-ի վերջին զեկույցում Հայաստանը հայտնվել ոչ ազատ մամուլ ունեցող երկրների շարքում, պարոն Մութաֆյանն այսօր «Անալիտիկ» ակումբում ասաց, որ չի վստահում նման ցուցանիշներին, որովհետեւ սովորաբար գրանտակեր կառույցներն են արձանագրում. «Արտաքնապես երեւութականություն է ստեղծվել, թե մամուլն ինչ ուզի՝ կանի, ում կուզի՝ կքննադատի, նախագահի ծաղրանկարը կտպագրի…բայց , իհարկե, մեզ մոտ կան արգելանքներ, ճնշումներ, մենք գիտենք՝ ինչ ներքին գրաքննությունն է գործում, ինչպես են սնանկացնում լրատվամիջոցներին: Եթե պարզունակ պատկերացումներով չենք ասում սրանք ազատության ճնշումներ են, բայց հենց ազատության սահմանափակումներ են: Հիմա Գագիկ Ծառուկյանին պատկանող «Կենտրոն» հեռուստաընկերությունը կարո՞ղ է ազատ լինել, Ծառուկյանին այնպիսի տնտեսական ճնշումների կենթարկեն»:
Հետո էլ շարունակեց, թե Հայաստանի ՝շուկայական տնտեսության մեջ անհնար է պատկերացնել ազատ լրատվամիջոց. «Ով վճարում է, նա էլ պատվիրում է երաժշտությունը: Մեր լրատվամիջոցների գերակշռող մեծամասնությունը կամ բոլոր կախված են այս կամ այն պատվիրատուից ու պետք է կատարեն պատվիրատուի պահանջները»:
Թատերագետը նաեւ առանձնացրեց տպագիր մամուլը ու նկատեց, որ այն արդեն դուրս է մղվում լրատվական դաշտից. «Մեր թերթերի տպաքանակը օրեցօր անկում է ապրում, օրեցօր կորչում է հետաքրքրությունը տպագիր մամուլի նկատմամբ: Եվ սա կապ չունի սոցիալական վիճակի հետ, մենք կորցրինք հասարակություն-տպագիր մամուլ կապը»:
Հետո այսօրվա ու խորհրդային մամուլը համեմատեց , ասաց՝ հիմա որոշակիորեն ազատ է համարում, այսօրվա լրատվամիջոցներն ունեն սեփական հայեցակարգերը:
Կարդացեք նաև
Բայց քննադատեց լրագրողներին՝ նկատելով, որ ունեն մասնագիտական պատրաստվածության, գրագիտության խնդիրներ.«Լրատվության մասնագիտական որակը մոտենում է «պլենդուսային» մակարդակի»:
Վերջում էլ հավելեց, որ էլեկտրոնային կայքերն էլ մեծ պահանջարկ չունեն, լուրջ նյութերի դիտողականությունը սովորաբար 35-40 է, իսկ «Քիմ Քարդաշյանի կրծկալները», «Շուշան Պետրոսյանը զայրացել է», «Սիրուշոն կմայրանա» վերնագրերով նյութերի դիտողականությունը անցնում է մի քանի հազարը. «Կիսահիմար գիտակցության մեջ ենք ապրում»:
Արփինե ՍԻՄՈՆՅԱՆ
Freedom House-ն էլ ազատ չէ,նրան էլ են պատվիրում…