Ուկրաինայի իշխանությունները կարգադրել են երկրից վտարել Ռուսաստանի ռազմական կցորդին՝ նշելով, որ ձերբակալել են վերջինիս հանցագործության կատարման վայրում այն ժամանակ, երբ նա գաղտնի տեղեկություններ էր ստանում ՆԱՏՕ-ի հետ Ուկրաինայի համագործակցության մասին:
Ուկրաինայի արտգործնախարարության համաձայն, Ռուսաստանի ռազմական կցորդը «անցանկալի անձ» է հայտարարվել:
Երկրի անվտանգության ուժերն իրենց հերթին տեղեկացրել են, որ ձերբակալված դիվանագետը Ռուսաստանի հետախուզական ծառայության աշխատող է, որը հետախուզական տվյալներ էր հավաքում «Ուկրաինայի և ՆԱՏՕ-ի միջև ռազմական և քաղաքական համագործակցության վերաբերյալ»:
«Նա ձերբակալվել է հանցագործության կատարման վայրում ապրիլի 30-ին՝ իր աղբյուրներից գաղտնի նյութեր ստանալու ժամանակ», – ասել է Ուկրաինայի անվտանգության ուժերի խոսնակ Մարինա Օստապենկոն, որի համաձայն որպես գաղտնի տեղեկությունները Ռուսաստանի դիվանագետին փոխանցելու աղբյուր հանդես է եկել Ուկրաինայի զինված ուժերի գնդապետի կոչում ունեցող ծառայողներից մեկը:
Կարդացեք նաև
Նյութն ամբողջությամբ՝ սկզբնաղբյուր կայքում
