«Մենք աշխատում ենք կուտակայինի մասով: Մենք հիմնավոր պետք է պատասխանենք մեր քաղաքացիներին, դրա համար ժամանակ ենք խնդրել, քաղաքական ուժերին ենք ներկայացրել նամակը, որ ներկայացնեն ներկայացուցիչներ, որ աշխատենք, պատասխան տանք մեր քաղաքացիներին»,- այսօր խորհրդարանում լրագրողների հետ զրույցում ասաց նորանշանակ վարչապետն`անդրադառնալով պարտադիր կուտակային կենսաթոշակային համակարգի կիրառմանը:
Հովիկ Աբրահամյանն, ի դեպ, այդ կարգավիճակում առաջին անգամն էր գալիս խորհրդարան։
«Առաջին քայլը ես արել եմ, տուգանքները, տույժերը հանել ենք, հիմա մնացածը մենք ՍԴ որոշմանը համահունչ կներկայացնենք հանրությանը»,- ասաց վարչապետը։
Լրագրողների հարցերին`կհանվի՞ պարտադիր բաղադրիչը, Հովիկ Աբրահամյանն ասաց. «Քննարկումների արդյունքում հայտնի կլինի ամե՛ն ինչ։ Հստակություն մտցնելու համար պետք է որոշում կայացնել, դրա համար մենք հիմա որոշման նախագծի վրա ենք աշխատում»։
Մեկ այլ հարցի` ասում էիք Սերժ Սարգսյանը կադրերի հարցում ազատություն է տվել, բայց ինչպես տեսնում ենք «Բաղրամյան 26»–ի կադրերը կառավարության կազմում, Հովիկ Աբրահամյանն ասաց. «Համամիտ չեմ»։
Կարդացեք նաև
Նելլի ԳՐԻԳՈՐՅԱՆ
