Մաքսային միությանը (ՄՄ) և Միասնական տնտեսական տարածքին (ՄՏՏ) Հայաստանի միանալու մասին փաստաթուղթը կպատրաստվի մինչև հունիսի 1-ը և կներկայացվի պետությունների ղեկավարների քննարկմանը Եվրասիական բարձրագույն տնտեսական խորհրդի մայիսի 29-ին Աստանայում կայանալիք նիստի ժամանակ: Նման որոշում է կայացվել երեկ Մինսկում Եվրասիական բարձրագույն տնտեսական խորհրդի նիստի ժամանակ:
Ռուսաստանի, Բելառուսի և Ղազախստանի նախագահները հավանություն են տվել Մաքսային միությանը և Միասնական տնտեսական տարածքին Հայաստանի միանալու միջոցառումների ծրագրի՝ «ճանապարհային քարտեզի» իրականացման ուղղությամբ մինչ օրս կատարված աշխատանքը: Մասնավորապես, ինչպես նշված է նիստը հյուրընկալած Բելառուսի նախագահի պաշտոնական կայքէջում տեղադրված հաղորդագրությունում, «ճանապարհային քարտեզի» 126 կետերից, որոնք պետք է կատարվեն մինչև փաստաթղթի ստորագրումը, 111-ը իրականացված են, իսկ 15-ը ընդգրկվում են Մաքսային միությանը և Միասնական տնտեսական տարածքին Հայաստանի միանալու բուն փաստաթղթում:
Արման Հովհաննիսյան
Նյութի մանրամասները կարդացեք «Ազատություն» ռադիոկայանի կայքում
Կարդացեք նաև
