Գալուստ Սահակյանը երեկ 101 կողմ ձայնով ընտրվել է ԱԺ նախագահ, իսկ նրա միակ մրցակից Հրանտ Բագրատյանը 3 ձայնով զբաղեցրել է պատվավոր երկրորդ հորիզոնականը։
«ՉԻ»- ԱԺ նախագահի պաշտոնում ինքնաառաջադրվելն, իհարկե, Հրանտ Բագրատյանի սահմանադրական իրավունքն է։ Ավելին՝ նա պարտավոր չէ բացատրել, թե ինչու է անում դա։ Ճիշտ այնպես, ինչպես պարտավոր չէ բացատրել, թե ինչու է, օրինակ, գլուխը քորում կամ ամեն առավոտ սափրվելիս երգում «Ամպի տակից ջուր է գալիս»։ Բայց նրա փոխարեն ամեն ինչ իրեն հատուկ անկեղծությամբ բացատրեց Գալուստ Սահակյանը՝ հայտարարելով, թե «Բագրատյանի քայլը ես դրական եմ համարում, հնարավորություն տվեց, որպեսզի ավելի բնական գործընթացն ապահովվի»։ Թատրոնում էլ է այդպես։ Եթե անձրեւի տեսարան է՝ ինչ-որ մեկը պիտի վերեւից ցնցուղով ջուր լցնի, եթե քամու տեսարան է՝ ինչ-որ մեկը պիտի «ֆենը» պահի գլխավոր հերոսի մազերին, հակառակ դեպքում տեսարանն «ավելի բնական չի ապահովվի»։ Այնպես որ՝ Հրանտ Բագրատյանն իսկապես կարեւոր գործառույթ էր իրականացնում։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
