Ռուսաստանի փոխվարչապետ Դմիտրի Ռոգոզինը ՌԴ նկատմամբ նոր պատժամիջոցների առիթով ԱՄՆ-ին առաջարկել է իրենց տիեզերագնացներին բատուտով ուղարկել միջազգային տիեզերակայան: «ՌԻԱ Նովոստի»-ի փոխանցմամբ, Ռոգոզինը Թվիթերում գրել է. «Վերլուծելով մեր տիեզերական արդյունաբերության դեմ պատժամիջոցները՝ ԱՄՆ-ին առաջարկում եմ իրենց տիեզերագնացներին միջազգային տիեզերակայան հասցնել բատուտի օգնությամբ»:
Ուկրաինայի դեպքերի հետ կապված ԱՄՆ-ը ապրիլի 28-ին ՌԴ նկատմամբ ընդլայնել է պատժամիջոցների ցուցակը, որի մեջ են մտել Ռուսաստանի 7 քաղաքացի և 17 ռուսական ընկերություն, այդ թվում՝ «Ռոստեխ»-ը, որը զբաղվում է նաև տիեզերական սարքավորումների արտադրանքով:
ՆԱՍԱ-ի և Ռոսկոսմոսի միջև 2010թ. ձեռք բերված պայմանագրով Ռուսաստանը պարտավորված է տիեզերագնացիներին ուղարկել ՄՏԿ և հետ բերել:
Կարդացեք նաև
Պատրաստեց Հովհաննես ԻՇԽԱՆՅԱՆԸ
