Թուրքիայի Ազգային շարժում կուսակցության նախագահ Դեվլեթ Բահչելին «ցեղասպանության համար ներողություն խնդրել է» անվանել վարչապետ Ռեջեփ Թայիփ Էդրողանի՝ հայերին ուղղված ցավակցությունը, գրում է «Հուրիեթ» թերթը:
Էրդողանը ապրիլի 23-ին հայտարարություն էր արել, որտեղ իր ցավն էր կիսել «1915թ. դեպքերի զոհերի» սերունդների հետ:
Ապրիլի 29-ին խորհրդարանական հանդիպման ժամանակ Բահչելին Էրդողանի քայլը որակել է «ոչ ազգային».«Իր հաղորդագրության մեջ, որը գրվել է ամբողջությամբ ոչ ազգային մոտեցմամբ, վարչապետ Էրդողանը խոսել է «արդարությունից և մարդկայնությունից»», – ասել է նա, – «Սակայն վարչապետի ցավակցական ուղերձը ցեղասպանության համար ներողություն խնդրելու պես բան է»:
Մյուս կողմից, Ժողովրդա-դեմոկրատական ընդդիմադիր կուսակցության համանախագահ Սեբաթ Թունջելն ասել է, որ 1915թ. դեպքերի հետ կապված պետական արխիվները բացելը անհրաժեշտ, բայց ոչ բավարար պայման է. «Պետք է ստեղծվի ճշմարտության և արդարության հանձնաժողով ու պետք է առերսվել անցյալի հետ», – ասել է Թունջելը:
Կարդացեք նաև
Պատրաստեց` Հովհաննես ԻՇԽԱՆՅԱՆԸ
