ԱԺ նորընտիր նախագահ Գալուստ Սահակյանը շատ բնական է համարում պատգամավոր Հրանտ Բագրատյանի առաջադրումն ԱԺ նախագահի ընտրություններում: Ավելին, ըստ Գալուստ Սահակյանի, մրցակցությունը ամրապնդում է ընտրությունները, որպես քաղաքական գործիք: Այդ մասին այսօր խորհրդարանում լրագրողների հետ զրույցում ասաց ԱԺ նախագահը:
Նա չցանկացավ մեկնաբանել ու գնահատականներ տալ ԱԺ նախագահի քվեարկության արդյունքներին: Հիշեցնենք, Գալուստ Սահակյանն ընտրվեց 101 կողմ ձայներով:
Նորընտիր ԱԺ նախագահը փոփոխություններ առայժմ չի ցանկանում իրականացնել, ինքը «հեղափոխական չէ, ավելի պահպանողական է»: Գալուստ Սահակյանը հիշեցրեց, որ ինքն ուսուցիչ ու տնօրեն է եղել, իսկ մանկավարժները պահպանողական են:
Լրագրողներից մեկի հիշեցմանը`երբ նախկին ԱԺ նախագահն ընտրվեց այս պաշտոնում, ասաց, որ բարձրացնելու է ԱԺ դերն ու նշանակությունը ու հարցին`ի՞նչ նոր քայլեր է ձեռնարկելու ինքը, Գալուստ Սահակյանն ասաց. «Ես կարծում եմ կշիռը բարձրացնելու համար անհրաժեշտ է ոչ քաղաքական առումով, զուտ մարդկային լուծումներ գտնել: Երբ պատգամավորը խոսում է քաղաքական թեմաներով, չպետք է անձնավորի, քանի որ սա քաղաքական քուրա է ոչ թե նկատառումներ ՝անձի վերաբերյալ»:
Կարդացեք նաև
Մյուս հարցին՝ նոր պաշտոնում կարծես թե լավ չեք հարմարվել, Գալուստ Սահակյանը նշեց. «Ինձ զգալու համար, հարկավոր է ինձ ճանաչել»: Դիտարկմանը՝ թե ԱԺ նախագահի բազկաթոռին դժվարությամբ էիք հարմարվում, վերջինս հակադարձեց. «Նման խնդիր ընդհանրապես չկա: Պարզապես ԱԺ ամբիոնին ես առաջին անգամ եմ նստում, բնականաբար որոշակի օտարություն պետք է զգայի»:
Ի դեպ, ԱԺ նախագահը կադրային փոփոխություններ նույնպես չի նախատեսում. «Այն աշխատողները, որ աշխատել են երկար տարիներ, չի կարելի քո հաջողության հետևանքով մարդկանց աշխատանքից զրկես ու քո մտերիմին բերես նշանակես»:
Նելլի ԳՐԻԳՈՐՅԱՆ
Ամբիոնին չեն նստում, աթոռին են նստում…
Բանասեր գալուստը անընդհատ ինչ որ անեհեթեթ ,,մտքեր,, է արտաբերում , որից ոչինչ չի հասկացվում…
Սա է երկրի ողբալի վիճակը….