Այսօր Aravot.am-ը կառավարման փորձագետ Հարություն Մեսրոբյանից հետաքրքրվեց, արդյոք նոր նախարարներով հնարավո՞ր է կառավարման ներկայիս մեխանիզմով Հայաստանում տնտեսությունը զարգացնել, եթե հաշվի առնենք, որ նոր նախարարների օրոք, գոնե շինարարության ոլորտում մեր երկիրն աճ ապահովել է: Այս առնչությամբ պարոն Մեսրոբյանն ասաց ` անհնար է. «Հայաստանը 1991 թվականից երբեք չի զարգացել, լավագույն դեպքում ունեցել է որոշակի աճ, աճը` զարգացում չէ: Հաճախ աճերի տեսակներ կան, որոնք հետզարգացմանն են բերում: Հիշո՞ւմ եք, այն ժամանակ խոսում էին` շինարարությունից բացի, ադամանդագործություն, տեղեկատվական տեխնոլոգիաներ: Երբ դուք ասում եք ինչ-որ բանի վրա հույս դնել, որը թվում է զարգացում է, բայց այն բերում է մասնավոր աճի, իսկ մասնավոր աճը քաղցկեղածին ուռուցք է, որի հետեւանքով օրգանիզմի հետզարգացում է լինում: Գիտեք ինչո՞ւ է հարմար շինարարություն զարգացնել, որովհետեւ ամենաստվերային ոլորտներից մեկն է, այստեղ ձախ յուրացումները շատ հեշտ են, հարկային դաշտից էլ հեշտ է խուսափել, միշտ կոռուպցիոն ռիսկերը ահռելի են»:
Մանրամասն` տեսանյութում
Aravot.am-ը կառավարման փորձագետից նաեւ հետաքրքրվեց, թե սահմանադրական բարեփոխումներն ի՞նչ արդյունք կտան, արդյոք փորձագետն էլ կիսում է այն կարծիքը, որ ՀՀ նախագահ Սերժ Սարգսյանն իր իշխանությունը, աթոռը պահելու է համար է այն նախաձեռնել: Այս առնչությամբ էլ պարոն Մեսրոբյանն ասաց. «1991 թվականից ցույց տվեք մի նախագահի, որն իր աթոռի մասին չի մտածել: Օրենսդրությունը մի դեպքում ունի արժեք, երբ նա կատարվում է, եւ եթե չի կատարվում, կարեւոր չէ ինչ սիրունության փաստաթուղթ դուք ունեք: Ստալինյան Սահմանադրությունն էլ աշխարհում ամենալավն էր»:
Մանրամասն` տեսանյութում
Կարդացեք նաև
Նելլի ԲԱԲԱՅԱՆ
