«Ես ձեզ հավատացնում եմ, որեւէ ցուցում չի եղել: Ասվել է`դուք ազատ եք, կարող եք մասնակցել, կարող եք`չմասնակցել, ում ուզում եք`կարող եք քվեարկել»,-ԱԺ նախագահի ընտրությունից հետո լրագրողների հետ զրույցում ասաց ԲՀԿ խմբակցության քարտուղար Նաիրա Զոհրաբյանը` ներկայացնելով խմբակցության դիրքորոշումը:
Հարցին`ձեւական չէ՞ այս ընտրությունը եւ դրան մասնակցությունն, ընդհանրապես, Տիկին Զոհրաբյանն ասաց. «Եթե այդպես մտածենք, ուրեմն պիտի խորհրդարանն էլ, ընդհանրապես փակել եւ գնալ տուն, ասել, որ ամեն ինչ մեր երկրում ձեւական է, որովհետեւ կա մեկ քաղաքական ուժի մենաշնորհ»: Տիկին Զոհրաբյանը չհրապարակեց, թե ինքը որ թեկնածուի օգտին է քվեարկել:
Aravot.am-ի հարցին էլ`չե՞ք կարծում, որ մասնակցությամբ ԲՀԿ-ն, փաստորեն, լեգիտիմացրեց այս ընտրությունները, Նաիրա Զոհրաբյանը պատասխանեց. «Ոչ: Չեմ կարծում: Կա մեծամասնություն եւ եթե ընտրություններն էլ տեղի են ունենում օրենքի սահմաններում, ուրեմն, դրանք արդեն լեգիտիմ են»:
Հիշեցնենք, որ երեկ խորհրդարանում խնդիր առաջացավ հաշվիչ հանձնաժողովի գործունեության հարցում, քանի որ ընդդիմադիր հինգ կուսակցությունները բոյկոտում էին այդ հանձնաժողովի աշխատանքը: Երեկոյան ՀՀԿ-ի նախաձեռնությամբ արտահերթ նիստ հրավիրվեց, ԱԺ որոշում ընդունվեց հանձնաժողովի ձեւավորման կարգի մասին, ինչը ընդդիմադիրները օրենքի խախտում որակեցին:
Կարդացեք նաև
Նաիրա Զոհրաբյանի այլ դիտարկումները` տեսանյութում
Նելլի ԳՐԻԳՈՐՅԱՆ
Նաիրա Զոհրաբյանն էլ դարձավ իր կողմից հաճախակի վկայակոչող ,,հաճախորդը,,.!!!