Վարույթ իրականացնող մարմինը կրկին միջնորդության է ներկայացրել դատարան անցյալ տարի նոյեմբերի 5-ի գործով կալանավորվածների խափանման միջոց կալանավորումը եւս երկու ամսով երկարաձգելու վերաբերյալ։
ՀՀ ոստիկանության հասարակայնության հետ կապի եւ լրատվական վարչությունից հայտնեցին, որ երեկվա դրությամբ դատարանը բավարարել է վարույթ իրականացնող մարմնի միջնորդությունը եւ կրկին երկամսյա կալանքի տակ վերցրել սույն գործով կալանավորված Հայկ Հարությունյանին։
Եվս երկու ամսով երեկ երկարաձգվել է սույն գործով կալանավորված Տիգրան Պետրոսյանի եւ Վահե Մկրտչյանի խափանման միջոց կալանավորումը։
Նշենք, որ նոյեմբերի 5-ի գործով կալանավորվածները մոտ վեց ամիս է գտնվում են կալանքի տակ. վերջինների կալանքի ժամկետը լրանում էր մայիսի 5-ին։ Սույն գործով ապրիլի 4-ին հայտարարվեց նախաքննության ավարտ եւ պաշտպանական կողմը այժմ ծանոթանում է գործին, որը կազմում է մոտ 12 հատոր, ինչպես նաեւ կան տեսասկավառակներ։
Նոյեմբերի 5-ին Մաշտոցի պողոտայում տեղի ունեցած բախումներից հետո կալանավորված 41-ամյա Հայկ Հարությունյանի պաշտպան Ռուբեն Սարգսյանը երեկ ասաց. «Իրենք այսօր (երեկ) ներկայացրել են միջնորդություն դատարան եւ դատարանը բավարարել է իմ պաշտպանյալի խափանման միջոց կալանավորումը երկարաձգելու վերաբերյալ միջնորդությունը։ Սա կապված էր նրա հետ, որ փաստաբանների մեծ մասը միջնորդել էին քննությանը, որ գործին ծանոթանալու համար ժամանակ է հարկավոր՝ մոտավորապես մեկ ամիս, եւ որպեսզի քննությունը չմնար առանց որոշակի վիճակի եւ որպեսզի կալանավորը օդի մեջ չհայտնվեր, քննության մարմինը միջնորդություն է ներկայացրել դատարանին՝ կալանավորվածների կալանքը երկարաձգելու վերաբերյալ։ Մեկ ամիս հետո՝ մոտավորապես մայիսի կեսերին, գործը կուղարկեն դատարան»։
Կարդացեք նաև
Տաթեւ ԽԱՉԱՏՐՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
