Այսօր Aravot.am-ը ԱԻՄ նախագահ Պարույր Հայրիկյանից հետաքրքրվեց, թե Գալուստ Սահակյանը ինչքանո՞վ է հարմար ԱԺ նախագահի պաշտոնում եւ նրա «նշանակումը» ի՞նչ խնդիր կարող է լուծել:
Պարույր Հայրիկյանը վստահեցրեց, որ թե՛ կառավարության ղեկավարի՝ Հովիկ Աբրահամյանի նշանակման, թե՛ Գալուստ Սահակյանի մասին խոսելը անլուրջ է. «Քանի որ պառլամենտական մեծամասնությունը եւ նախագահը նույն թիմից են, որեւէ լուրջ մոտեցում այդ հարցերին անլուրջ է ե՛ւ կառավարության, ե՛ւ Ազգային ժողովի նախագահի հետ կապված: Երբ այսպես կա դիկտատոր, այսինքն՝ կա շեֆ, որի ասածն օրենք է բոլորի համար, եւ այդ շեֆն էլ ունի պառլամենտական մեծամասնություն, որտեղ որեւէ մեկը ծպտուն անգամ չի կարող հանել որեւէ որոշման վերաբերյալ՝ ընդհանրապես անլուրջ է դրա մասին խոսելը»:
Հռիփսիմե ՋԵԲԵՋՅԱՆ
