Այս պահին մի խումբ բնապահպաններ ԱԺ շենքի դիմաց պահանջում են պատգամավորներից դեմ քվեարկել «Սեւանա լճի էկոհամակարգի վերականգնման, պահպանման, վերարտադրման եւ օգտագործման միջոցառումների տարեկան ու համալիր ծրագրերը հաստատելու մասին» ՀՀ օրենքում լրացումներ կատարելու օրենքի նախագծին: Նրանք պահանջում են չնպաստել Սեւանի ոչնչացմանը:
«Էկոլուր» հ/կ նախագահ Ինգա Զառաֆյանի խոսքով՝ ինքը չի ցանկանում ասել, որ այդ նախագծով Սեւանա լճից 70 մլն խմ եւ ավելի ջուր է հանվելու. «Ո՞ւմ է դա ձեռնտու. Սեւան-Հրազդան կասկադի, Արարատյան դաշտի խոշոր ձկնաբուծարանների տերերին, նաեւ ջրհանման մասին որոշում կայացնողներին, որոնք Սեւանում ունեն տարբեր օբյեկտներ»:
Կարդացեք նաև
Անդրադառնալով ՀՀ նախագահ Ս. Սարգսյանի դիտարկմանը, թե դրական բալանսը պահպանվելու է, տիկին Զառաֆյանն ասաց. «Ոչ մի խոսք չկա դրական բալանսի պահպանման մասին»:
Պատճառաբանությանը, թե Սեւանից ջրհանումը պայմանավորված է Արարատյան դաշտում ջրի պակասով, տիկին Զառաֆյանը պատմեց, որ իրենք վերջերս գնացել են Արարատյան դաշտ, հանդիպել տարբեր համայնքների բնակիչների հետ եւ բնակիչները իրենց վստահեցրել են, որ Սեւանի ջուրն իրենց անհասանելի է՝ նաեւ ֆինանսական առումով եւ իրենք շատ քիչ են օգտագործում, իսկ օգտագործածի համար էլ ի վիճակի չեն վճարել:
Մանրամասները՝ շուտով:
Արփինե ՍԻՄՈՆՅԱՆ
