Այսօր խորհրդարանում քառյակի հերթական հանդիպմանն անսպասելի ներկայացավ նորանշանակ վարչապետ Հովիկ Աբրահամյանը:
Նա խորհրդարան էր եկել ՀՀ կառավարության աշխատակազմի ղեկավար-նախարար Դավիթ Հարությունյանի հետ: Նրանց ընկերակցում էր նաեւ ՀՀԿ խմբակցության ղեկավար Գալուստ Սահակյանը:
Քառյակի նիստի մեկնարկից րոպեներ անց, նրանք երեքով մտան ԲՀԿ խմբակցություն, որտեղ ընթանում էր նիստը:
Հովիկ Աբրահամյանը բարեւեց բոլոր պատգամավորներին, ապա մոտենալով ԱԺ ՀԱԿ խմբակցության ղեկավար Լևոն Զուրաբյանին ասաց. «Լավ չես անում»: Վարչապետը, հավանաբար, նկատի ուներ այն, որ այն, որ իր հրավիրած խորհրդակցությանը ՀԱԿ-ը չէր մասնակցել: Լևոն Զուրաբյանը պատասխանեց. «Մենք հետևում ենք ձեզ»` հակադարձ հարց հղելով Հովիկ Աբրահամյանին.«Եկել եք մեզնից ինֆորմացիա ստանա՞ք»: Վարչապետն ասաց, հակառակը, եկել է ինֆորմացիա տալու իրենց:
Կարդացեք նաև
«Ժառանգություն» խմբակցության ղեկավար Ռուբեն Հակոբյանն էլ հումորով նկատեց. «Կարող ա՞ քառյակը հնգյակ դառնա»: «Վեցյակ է, էլ ի՞նչ հնգյակ»:
Ենթադրվում է, որ Հովիկ Աբրահամյանը ժամանել է զրուցելու քառյակի ներկայացուցիչների հետ պարտադիր կուտակային կենսաթոշակային նոր օրինագծի շուրջ:
Նելլի ԳՐԻԳՈՐՅԱՆ
Տեսանյութը՝ hetq.am/-ի
