Ռուսաստանի նախագահ Վլադիմիր Պուտինի ազգերի արդարացման մասին ստորագրած հրամանագիրը 1940-ականներին արտաքսված 20 հազար հայերի Ղրիմ վերադառնալու հնարավորություն է տալիս, այս մասին «ՌԻԱ Նովոստի»-ին հայտնել է Ղրիմի հայ համայնքի նախագահ Վաղարշակ Մելքոնյանը:
«Ռուսաստանի նախագահի հրամանագիրը մեզ հույս է տալիս, որ Ղրիմի թաթարների իրավունքները կվերականգնվեն: Մեր ազգակիցների վերադարձը Ղրիմ տարբեր պատճառներով տեղի չի ունեցել: Այդ պատճառով մենք հույս ունենք, որ հրամանագրի և դաշնային ծրագրի կապակցությամբ, որը կմշակվի դրա հիման վրա, մեզ կհաջողվի Ղրիմ վերադարձնել առնվազն 20 հազար հայերի, որոնք արտաքսվել էին 40-ականներին», – ասել է Մելքոնյանը՝ հավելելով, որ հայերի վերադարձն ապահովելու համար պետք է բնակավայրեր կառուցվեն, իսկ գործընթացը հարկավոր է կատարել համաչափ և փուլ առ փուլ:
ՌԴ նախագահ Վլադիմիր Պուտինը Խորհրդային տարիներին բռնադատված Ղրիմի հայերի, բուլղարացիների, գերմանացիների, հույների և թաթարների արդարացման մասին հրամանագիրը ստորագրել է 2014թ. ապրիլի 21-ին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
