ՀՀ ֆուտբոլի ֆեդերացիայի պաշտոնական կայքը հայտնում է՝ ինչպես արդեն տեղեկացրել ենք, Հայաստանի մինչև 17 տարեկանների հավաքականը այս օրերին մասնակցում է ՈՒԵՖԱ-ի զարգացման մրցաշարին, որտեղ նրա մրցակիցներն են ՆՀՀ Մակեդոնիայի, Վրաստանի և Կիպրոսի մինչև 17 տարեկանների հավաքականները: Այսօր մրցաշարի առաջին տուրում մեր հավաքականը մրցում էր Վրաստանի իրենց հասակակիցների հետ:
Չնայած հանդիպումն անցել է հավասար պայքարում և երկուստեք վտանգավոր պահերով, սակայն հանդիպման միակ գոլը խփել են Վրաստանի մինչև 17 տարեկանների հավաքականի ֆուտբոլիստները: Աչքի է ընկել Իրակլի Բուգրիձեն: Հանդիպումն այդպես էլ ավարտվել է՝ Վրաստանի Մ-17 հավաքականի հաղթանակով 1:0 հաշվով:
