Ուկրաինայի պաշտոնանկ արված նախագահ Վիկտոր Յանուկովիչը հինգ խնդիր է նշել, որոնք, ըստ նրա, անհրաժեշտ են կատարել Ուկրաինայի մասնատումն ու քաղաքացիական պատերազմը կանխելու համար:
Ուկրաինական «Ինտերֆաքս»-ը փոխանցել է Դոնի Ռոստովում Յանուկովիչի տարածած հաղորդագրությունը, որտեղ նա հարկ է համարել կատարել հետևյալ գործողությունները.
«Ուկրաինայի մարզերում երկրի դաշնայնացման և մարզի իրավասությունների հարցով հանրաքվեի նշանակում և անցկացում: Ուկրաինայում նախագահական, թե խորհրդարանական կառավարման ձևի հարցով հանրաքվեի նշանակում և անցկացում: Հանրաքվեների արդյունքների հիման վրա սահմանադրական բարեփոխումների անցկացում», – նշել է Յանուկովիչը՝ ավելացնելով, որ միայն այս քայլերից հետո է պետք նախագահի և խորհրդարանի ընտրություններ անցկացնել ու միջազգային հսկողություն սահմանել հանրաքվեների և ընտրությունների համար, խիստ մատչելի դարձնել դրանց դիտարկումը
«Այս հինգ առաջադրանքները կատարելը պարտադիր է: Սա միակ ճանապարհն է Ուկրաինայի ամբողջականությունը պահպանելու համար: Եթե դա չարվի, մեր երկրին սպառնում է մասնատում, որը դժվար խաղաղ լինի: Ամենայն հավանականությամբ, քաղաքացիական պատերազմով», – ասել է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
