Այս տարվա մարտի 31-ի եւ ապրիլի 1-ի գիշերները Տավուշի մարզում ցրտահարություն եղավ: Դրանից տուժեց ծիրանենիներից, վաղահաս դեղձենիներից, պտղատու այլ այգիներից ակնկալվող բերքը:
Տավուշի մարզպետարանի բնապահպանության եւ գյուղատնտեսության վարչության պետ Վաղինակ Սուքոյանին հարցրինք, թե ցրտահարության պատճառած վնասները հաշվարկե՞լ են: Նա հայտնեց, որ այդ գործընթացն ընթացքի մեջ է, մարզի համայնքապետարանները պատճառված վնասի վերաբերյալ ակտերը ուղարկում են Տավուշի մարզպետարան:
Մարզպետարանի վարչության պետին հարցրինք նաեւ, թե ցրտահարությունից տուժած գյուղացիական տնտեսություններին ի՞նչ աջակցություն է ցուցաբերվում: Վ. Սուքոյանն ասաց, որ գյուղատնտեսության նախարարության կողմից այդ տնտեսություններին տրվել է բանջարաբոստանային մշակաբույսերի սերմացու, «ՀիմաՏավուշ» զարգացման հիմնադրամն էլ որոշ համայնքներում բաժանել է տնկիներ եւ խաղողի արմատակալներ:
Ոսկան ՍԱՐԳՍՅԱՆ
Սովորաբար ցրտահարությունից տուժածներին ֆինանսական աջակցություն են ցուցաբերում, գյուղատնտեսական վարկերը մարելու և այգիները փրկելու ուղղությամբ համապատասխան աշխատանքներ իրականացնելու համար, այլ ոչ թե ժամկետանց կամ ոչ պիտանի բանջարաբոստանային մշակաբույսերի սերմացու կամ տնկիներ տալիս /ինչպես միշտ սերմացուի և տնկիների ձեռք բերման համար հսկայական գումարներ են դուրս գրվել/: Լավ կլիներ, որ հարգարժան լրագրողը Վ.Սուքոյանից համապատասխան տեղեկատվություն ստանալուց հետո, գյուղացիներից հետաքրքրվեր, համապատասխանում են արդյոք իրենց ստացած սերմացուն ու տնկիները մարզպետարանում առկա ցուցակներին թե ոչ: Համոզված եմ, որ հավքիթ հաշվող մարզպետի կողմից այստեղ նույնպես թվերի աղճատում է տեղի ունեցել:
Հույս ունենանք, որ նորանշանակ վարչապետը ժամանակ կգտնի Տավուշի մարզպետ Արմեն Ղուլարյանի հերթական պատրանքին անդրադառնալու համար: