«Այսօր մեր պահանջը հստակ է՝ պահանջ նախագահից, որպեսզի նա Սահմանադրության իրեն ամրագրված պարտականությունները պատշաճ կատարի»,- այսօր՝ ապրիլի 18-ին, մինչ ՀՀ նախագահի նստավայրի դիմաց բողոքի ակցիա սկսելը հայտարարեց «Դեմ եմ» նախաձեռնության անդամ Դավիթ Մանուկյանը:
Նա նշեց, որ նախաձեռնության անդամները քաղաքի տարբեր մասերից՝ խմբեր կազմելով երթով գալիս են դեպի նախագահի նստավայր: Դավիթ Մանուկյանի խոսքերով՝ բողոքի ակցիան խաղաղ բնույթ է կրելու:
Aravot.am-ի այն հարցին, թե ՕԵԿ-ը միանալո՞ւ է շարժմանը Դավիթ Մանուկյանը պատասխանեց, որ յուրաքանչյուր քաղաքացի կարող է գալ եւ միանալ իրենց շարժմանը, ուրիշ հարց է հասարակությունը կընդունի՞ իրենց, թե՞ ոչ.
Կարդացեք նաև
«Էական չէ քաղաքացու կուսակցական պատկանելիությունը, եթե նա ուզում է պայքարի ոչ մեկը ո՛չ իրավական, ո՛չ բարոյական իրավունք չունի արգելել նրան: Մենք միշտ բաց ենք եղել. երբեք խտրական չենք եղել: Իսկ ինչպիսի՞ն կլինի հանրության վերաբերմունքը, դա արդեն բոլորին հայտնի է»
Ամի ՉԻՉԱԿՅԱՆ
