Forbes հանդեսի համաձայն՝ այսօր ամենահարուստ 200 ռուսաստանցիների ցուցակում առնվազն վեցը ազգությամբ հայ են:
Ներկայումս Ռուսաստանում ապրող ամենահարուստ հայը «Տաշիր գրուպ»-ի սեփականատեր Սամվել Կարապետյանն է: Միայն Մոսկվայում «Տաշիր գրուպ»-ին են պատկանում մի քանի խոշոր առևտրական կենտրոններ: Կարապետյանի կարողությունը Forbes-ը գնահատել է 4․3 միլիարդ դոլար, և նա ամենահարուստ ռուսաստանցիների ցուցակում զբաղեցրել է 26-րդ հորիզոնականը:
Երկրորդը ամենահարուստ ռուսաստանցի հայերից Դանիլ Խաչատուրովն է՝ «Ռոսգոսստրախ»-ի ղեկավարը, ում կարողությունը 2․6 միլիարդ դոլար է ըստ հանդեսի: Խաչատուրովը ցուցակի 40-րդ հորիզոնականում է:
Forbes-ի ցուցակում են նաև «Ռեսո» ապահովագրական ընկերության սեփականատերեր Նիկոլայ և Սերգեյ Սարկիսովները, որոնցից յուրաքանչյուրի կարողությունը հանդեսը գնահատել է մեկ միլիարդ դոլար: Ի դեպ, Սերգեյ Սարկիսովը Լոս Անջելեսում Հայաստանի հյուպատոսն է:
Կարդացեք նաև
Ազա Բաբայան
Նյութի մանրամասները կարդացեք «Ազատություն» ռադիոկայանի կայքում
