Ներկա պահին, ամփոփիչ տվյալներով, ռազմատեխնիկական ոլորտում Ադրբեջանի թիվ մեկ գործընկերը Ռուսաստանն է, հետո՝ Թուրքիան, հետո՝ Հարավ-Աֆրիկյան Հանրապետությունը: ԻՏԱՌ-ՏԱՍՍ լրատվական գործակալության հարցազրույցում այդ մասին ասել է Ադրբեջանի ռազմական արդյունաբերության նախարարի օգնական Ազադ Մամեդովը:
Նա թվարկել է, թե վերջին ժամանակներում ինչ սպառազինություններ է ստացել Ադրբեջանը Ռուսաստանից, այդ թվում՝ Տ-90 տանկեր, Մի-35Մ տեսակի ռազմական ուղղաթիռներ, զրահամեքենաներ, հրանոթային ինքնաշարժ համակարգեր:
Մամեդովը նշել է, որ ներկա պահին իրականացվում է ռուսական ԱԿ-74Մ տիպի ինքնաձիգների արտադրությունը Ադրբեջանում: Ադրբեջանը ձեռք է բերել այդ ինքնաձիգների արտոնագիրը, առաջին փուլը՝ ինքնաձիգների հավաքման գիծը պատրաստ է, հիմա յուրացնում են արտադրության առանձին փուլերը:
Հրաչ Մելքումյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
