Հատված ՀՀԿ խմբակցության ղեկավար Գալուստ Սահակյանի հետ հարցազրույցից:
– Ի՞նչ եք կարծում, նախկին իշխանական ՕԵԿ–ից ընդդիմություն կստացվի՞։
– Ես գիտեմ, որ լրագրողները շատ խանդով են այդ հարցը տալիս, ասեմ, որ ՕԵԿ-ը կարողանում է կազմակերպված հանդես գալ քաղաքական դաշտում, եւ դրա վառ արտահայտություններից մեկը նախագահական ընտրություններում 270 հազար ձայնն էր, որ հավաքեց ՕԵԿ-ը, իսկ ես չեմ կարծում, որ այդ ձայների կշիռը մեր տրամաբանությամբ պիտի որոշվի՝ կորցրե՞լ է, թե՞ էլի կա։
Կարդացեք նաև
– Հիմա անձամբ Ձեր տրամաբանությամբ՝ կորցրե՞լ է, թե՞ դեռ կա։
– Կարծում եմ՝ այս հարցում քաղաքական ճշգրիտ սոցիոլոգիան առաջիկա ընտրություններն են։ Մինչեւ ընտրությունները որեւէ մեկը դեռեւս սոցիոլոգիա չի արել, հետեւաբար, ով ինչ ասի այս ուղղությամբ, դա ընդամենը իր ճաշակի եւ մտածողության հետեւանքն է։
– Բայց նույնիսկ ՕԵԿ–ը կուսակցության քաղխորհրդի որոշման մեջ խոստովանել է, որ իրենց վարկանիշի անկման հաշվին են աջակցել ՀՀԿ–ին։
– Ես չեմ փորձելու գնահատականներ տալ, որովհետեւ, վերջիվերջո, իրենք մեր գործընկերն են, եւ չի նշանակում, որ դաշտերը փոխվեցին, ուրեմն մեր կողմնակիցները պիտի սկսեն բամբասել եւ ինչ-որ արգումենտներ բերել, կարծում եմ՝ քաղաքական լուրջ գնահատական կտրվի, երբ որ կբանաձեւվի այն ռազմավարությունը, որը կորդեգրի այսուհետ ՕԵԿ-ը՝ որպես կուսակցություն։
Վահե ՄԱԿԱՐՅԱՆ
Հարցազրույցն ամբողջությամբ կարող եք կարդալ «Հրապարակ» թերթի այսօրվա համարում
