Վարչապետ Հովիկ Աբրահամյանը երեկ կառավարությանը հանձնարարել է օրենքի նախագիծ ներկայացնել Ազգային ժողով, որի համաձայն` մինչև կուտակային պարտադիր կենսաթոշակային համակարգի մասին օրենքը ՍԴ որոշմանը համապատասխան բերվի սահմանադրական տեսքի, կասեցվի տույժերի հաշվարկումը:
Այսինքն, ըստ էության, նախատեսվում է օրինագիծ, որով կկասեցվի պարտադիր կուտակային վճարների պարտադիր բաղադրիչը, քանի որ եթե դրա համար տույժեր չեն հաշվարկվելու, ապա, ըստ էության, սա նշանակում է պարտադիրի կասեցում: Այս օրինագիծը պետք է մշակվի շտապ և ներկայացվի ԱԺ ապրիլի 28-ի քառօրյայում:
Կուտակային պարտադիր համակարգի խնդիրը Հովիկ Աբրահամյանի կառավարության համար առանցքային էր դառնում: Խնդիրը միայն այն չէ, որ «ԴԵՄ ԵՄ» շարժումը շարունակում էր ինտենսիվ հանրահավաքները: Խնդիրն առաջին հերթին այն էր, որ Հովիկ Աբրահամյանը կուտակայինը շարունակելու դեպքում հայտնվելու էր, այսպես ասած, հարազատ քառյակի քննադատության թիրախում: Այսինքն` քառյակը չքննադատել չէր կարող. սա կդիտվեր տարօրինակ, որ Տիգրան Սարգսյանին քննադատում էին, իսկ Հովիկ Աբրահամյանին՝ ոչ: Իսկ քննադատելու դեպքում էլ գործ էինք ունենում բավական մեծ հասարակական շարժման հետ:
Այսպիսով, Հովիկ Աբրահամյանը գոնե ժամանակավորապես վերացնում է այն կռվանը, որը, ուզած-չուզած, հայտնվել էր իր և քառյակի արանքում: Սակայն այստեղ քառյակ ասվածն էլ, իհարկե, պայմանական է, որովհետև կարող ենք ասել, որ Հովիկ Աբրահամյանը այս ֆորմատի հետ հարաբերություններում կարծեք թե առանձնահատուկ վերաբերմունք է դրսևորել ՀԱԿ-ի նկատմամբ՝ առանձնահատուկ կոշտ վերաբերմունք:
Կարդացեք նաև
Մուսա Միքայելյան
Հոդվածն ամբողջությամբ կարող եք կարդալ «Ժամանակ» թերթի այսօրվա համարում
