Այսօր Երևանի Կոմիտասի անվան պանթեոնում՝ Կարեն Դեմիրճյանի շիրմաքարի մոտ հավաքվել էին հասարակական ու քաղաքական գործիչները, մեծ հայի հարազատները՝ իրենց հարգանքը մատուցելու և շնորհավորելու գործչի ծննդյան տարելիցը: Հարգանքի տուրք մատուցելու էր եկել նաև Հայաստանի Երրորդ Հանրապետության առաջին նախագահ Լևոն Տեր-Պետրոսյանը:
ՀԱԿ անդամ Լյուդմիլա Սարգսյանը, ԳԱԼԱ-ի հետ զրույցում շեշտելով Կ. Դեմիրճյանի ավանդը հայ իրականության մեջ, ընդգծեց. «Շատ դժվար է ամբողջությամբ գիտակցել ու գնահատել այն դերը, որն ունեցել է Կարեն Դեմիրճյանը հայ պետականության կայացման, ձևավորման գործում: Շատ մեծ է նրա՝ որպես մարդ տեսակի նշանակությունը երկրի համար: Կարծում եմ, որ սերունդները դեռ կտան նրա գնահատականը, բայց արդեն մեր սերունդը, որը նրան հաջորդող սերունդն է, գիտակցում է, թե մենք ինչ մարդ ենք կորցրել և ինչ կերպ ենք կորցրել»,- նշեց Լ. Սարգսյանն ու հավելեց, որ թշնամու գնդակից կորցրին մի մարդու, ով կարող էր երկրում լրջագույն բարեփոխումների հիմքը դնել, և այսօր մենք կունենայինք մեկ այլ երկիր և այսքան մտահոգություններ, որ այսօր կուտակվել են մեր մեջ, միգուցե և այնքան էլ շատ չլինեին:
Նյութի մանրամասները կարդացեք սկզբնաղբյուր կայքում
Հիշատակը հարգենք` պայքարելով….♡♡♡