Մինչ բոլորի ուշադրությունը սևեռված է Ուկրաինայի շուրջ ընթացող իրադարձությունների վրա՝ Եվրոպայում նոր ճգնաժամ է հասունանում․ այս անգամ Ռուսաստանին իր անկախությունը ճանաչելու կոչով դիմել է Մերձդնեստրի չճանաչված հանրապետությունը:
Փորձագետները համարում են, որ Մերձդնեստրում իրադարձությունները կարող են զարգանալ Ղրիմի օրինակով:
Մերձդնեստրի խորհրդարանը չորեքշաբթի օրը ընդունել է ուղերձ, որում Ռուսաստանի նախագահին, Պետդումային և Դաշնության խորհրդին խնդրում է ճանաչել Մերձդնեստրի անկախությունը: Նույն խնդրանքով չճանաչված հանրապետությունը դիմել է նաև ՄԱԿ-ին և ԵԱՀԿ-ին:
Ուղերձում պատգամավորները հիշատակում են 2006 թվականի սեպտեմբերին կայացած հանրաքվեի արդյունքները, որոնց համաձայն՝ չճանաչված հանրապետության բնակիչների 97 տոկոսը իրենց ձայնն էին տվել անկախության, իսկ այնուհետև նաև՝ Ռուսաստանին միանալու օգտին:
Կարդացեք նաև
Մոլդովայի փոխվարչապետը քննադատել է, իր ձևակերպմամբ, Մերձդնեստրում լարվածություն ստեղծելուն ուղղված քարոզարշավը:
«Ազատություն» ռադիոկայանին տված հարցազրույցում փոխվարչապետ Յուգեն Կարպովը մտահոգություն է հայտնել, թե Մոսկվան ու Տիրասպոլը ծրագրում են Մոլդովայում կրկնել Ղրիմի սցենարը:
Ազա Բաբայան
Նյութի մանրամասները կարդացեք «Ազատություն» ռադիոկայանի կայքում
