Սոցիոլոգ Ահարոն Ադիբեկյանի գնահատմամբ, ՕԵԿ երեք նախարարների կուսակցությունից դուրս գալու որոշման պատճառը ՀՀ նախագահի քաղաքականությունն է. «Ով ուզում է օգուտ բերել Հայաստանին` նրա հետ աշխատում ենք, կապ չունի, թե որ կուսակցության անդամ է»:
Ըստ նրա կենտրոնամետ ընդդիմադիր դաշտում կմնան ՕԵԿ-ն ու ԲՀԿ-ն, ծայրահեղական ընդդիմադիր դաշտում՝ «Ժառանգությունն» ու ՀԱԿ-ը, իսկ միջին մասում կմնա ՀՅԴ-ն.« Դրանից մենք կստանանք այն, որ ընդդիմադիր ձայների 40 % կկիսվի այդ չորս հինգ խմբավորումների մեջ, իսկ իշխանական դաշտը կմնա ՀՀԿ-ի վերահսկողության տակ, դա 60% ընտրողների ձայնն է: Հետագա իրադարձությունները կախված կլինեն ՀՀԿ-ի որոշումներից»:
«Ֆորում» ակումբում սոցիոլոգը կարծիք հայտնեց, որ կոալիցիան գործնականում մեծ նշանակություն չի էլ ունեցել, միայն հոգեբանական առումով է նշանակություն ունեցել. «Ցույց էին տալիս, որ ավտորիտար կառույց չենք, այլ բազմակուսակցական ենք, մեր թիմում կան եւ կուսակցական եւ այլ կուսակցականներ…Քանի որ երկրի նախագահը հայտարարեց, որ Հովիկ Աբրահամյանն ազատ է թիմը ձեւավորելու հարցում, ինձ թվում է՝ Արթուր Բաղդասարյանն ու Հովիկ Աբրահամյանը լեզու չեն գտել եւ հրաժարականը եղել է դրա արդյունքում »:
Նրա խոսքով, ՀՀԿ-ի վրա է ընկնում կառավարման ողջ պատասխանատվությունը ու այլեւս մեղավոր բալիկ չի լինելու, ում գլխին կլցնեն բոլոր մեղքերը, թե քո պատճառով են վատ բաներ են եղել:
Կարդացեք նաև
Արփինե ՍԻՄՈՆՅԱՆ
