«Հակոբ Ինջիղուլյանի դեպքը վերին աստիճանի տարբերվում է Խոջոյաններից նրանով, որ զինվորական շորերով ու զինծառայության մեջ գտնվելու պահին է անձը հայտնվել Ադրբեջանում»,-հարցին՝ ինչու՞ չեն վերադարձնում հայ գերի Հակոբ Ինջիղուլյանին, այսպես պատասխանեց «Ընդդեմ իրավական կամայականությունների» ՀԿ-ի նախագահ Լարիսա Ալավերդյանը:
Նա նշեց, թե այս խնդրին իր բացասական ազդեցությունն է ունեցել նաև ստահոդ լուրերի տարածումը:
Հակոբ Ինջիղուլյանի՝ երրորդ երկիր վերադարձվելը տիկին Ալավերդյանը համարեց լավագույն տարբերակ ու շեշտեց. «Ավելի քան քսան տարվա փորձը ցույց է տալիս, որ չի եղել նման բան, որ հայտարարեն, թե անձը ուզում է տեղափոխվել երրորդ երկիր, ու անձը հայտնվի Հայաստանում»:
Այնուհետև համեմատելով ՀՀ-ի և Ադրբեջանի իրավիճակը, տիկին Ալավերդյանը նկատեց. «Չի եղել մի ադրբեջանցի պատանդ, երբ Ադրբեջան վերադառնալուց հետո չդատվի, իսկ հայ գերիների դեպքում նման բան չի եղել»:
Կարդացեք նաև
Տիկին Ալավերդյանը տեղեկացրեց, որ ադրբեջանական կողմից խոշտանգման ենթարկված Մամիկոն Խոջոյանի գործով պատրաստվում են դիմել Եվրադատարան:
Տաթև ՀԱՐՈՒԹՅՈՒՆՅԱՆ
