Ուկրաինայի արևելյան Սլավյանսկ քաղաք մուտք է գործել Ռուսաստանի դրոշը կրող վեց զրահամեքենա:
Ականատեսների համաձայն, զրահամեքենաներից յուրաքանչյուրի վրա նստած էին տարբեր տեսակի զինվորական համազգեստ կրող զինված անձինք:
Ռուսաստանի դրոշը կրող զրահամեքենաների շարասյունը Սլավյանսկ քաղաք էր մտել Կրամատորսկ քաղաքից, որը գտնվում է Սլավյանսկից դեպի հարավ 15 կիլոմետր հեռավորության վրա:
Զրահամեքենաներից մեկի վրա գտնվող՝ ռազմական համազգեստ կրող անձանցից մեկը տեղեկացրել էր «Ռոյթերս» գործակալությանը, որ շարասյունը պատկանում է Դնեպրոպետրովսկ քաղաքում տեղակայված Ուկրաինայի 25-րդ դեսանտային դիվիզիային, և զրահամեքենաներում գտնվում են այդ ստորաբաժանման զինծառայողներ, որոնք «զենք չեն բարձրացնի իրենց ժողովրդի վրա»:
Կարդացեք նաև
Նույն օրը Դոնեցկ քաղաքում ռուսաստանամետ զինյալները վերահսկողություն են հաստատել երկրի քաղաքապետի գրասենյակի և քաղաքապետարանի շենքի նկատմամբ:
Մանրամասները կարող եք կարդալ` «Ամերիկայի ձայն»-ի կայքում:
