Այն տեղեկությունից հետո, որ ՕԵԿ-ական նախարարները հրաժարականի դիմումներ են ներկայացրել, խոսակցություններ են շրջանառվում նաեւ, որ ՕԵԿ ղեկավար Արթուր Բաղդասարյանն էլ Ազգային անվտանգության խորհրդի նախագահի պաշտոնից է հրաժարականի դիմում ներկայացրել:
Խորհրդարանում, մի քանի լրագրողներ այդ տեղեկությունը փորձեցին ճշտել ՕԵԿ խմբակցության ղեկավար Հեղինե Բիշարյանից կամ քարտուղար Մհեր Շահգելդյանից: Պարոն Շահգելդյանի աշխատասենյակի դուռը փակ էր:
Լրագրողները թակեցին Հեղինե Բիշարյանի աշխատասենյակի դուռը, որտեղ ՕԵԿ-ական պատգամավորների օգնականները լրագրողներին համոզում էին, որ Մհեր Շահգելդյանն այսօր ընդհանրապես խորհրդարանի շենք էլ չի եկել: Այդ պահին, պատահաբար, Մհեր Շահգելդյանը բացեց Հեղինե Բիշարյանի աշխատասենյակի դուռը եւ դուրս եկավ:
Անհարմար դրությունը փրկելու համար`պարոն Շահգելդյանը`դիմելով լրագրողներին ասաց. «Ես հասկանում եմ ձեր հարցը, բայց բոլոր հարցերի պատասխանները կստանաք երեկոյան»:
Կարդացեք նաև
ՕԵԿ-ի հնարավոր ճակատագրին վերաբերվող բոլոր հարցերը նույն պատասխանը ստացան:
Նելլի ԳՐԻԳՈՐՅԱՆ
Կոպիտ կլինի???? եթե ասեմ, որ ոչ թե ՕԵԿ-ական օգնականները վահան են ՕԵԿ-ական պատգամավորների համար, այլ` ՕԵԿ-ական պատգամավորները թաքնվում են օգնականների փեշերի տակ………..