Հենրիխ Մխիթարյանի մասին այսպես է արտահայտվել Դորտմունդի «Բորուսիայում» նրա թիմակից, Թուրքիայի հավաքականի կիսապաշտպան Նուրի Շահինը:
«Աշխարհում նրա նման տաղանդաշատ ֆւտբոլիստներ քիչ կան: Երբ Մխիթարյանն արագություն է հավաքում, նրան ոչ ոք կանգնեցնել չի կարող: «Բավարիայի» հետ խաղում Հենրիխը դա եւս մեկ անգամ ապացուցեց: Նա գերազանց մրցաշրջան է անցկացնում եւ շատ կարեւոր խաղացող է «Բորուսիայի» համար, – թուրք ֆուտբոլիստի խոսքերը մեջբերում է goal.com-ը:
Հիշեցնենք, որ մարտ ամսին գերմանական մամուլի որոշ ներկայացուցիչներ, նկատի ունենալով, որ Մխիթարյանը վերջին շրջանում գոլեր չի խփում, այն կարծիքն էին հայտնել, թե նրա ձեռքբերումը «Բորուսիայի» ամենաանհաջող գործարքն է: Սակայն հայ ֆուտբոլիստը փակեց նրանց բերանը՝ վերջին երկու հանդիպումներում հաշիվը բացելով եւ իր թիմի հաղթանակների հիմքը դնելով:
Աշոտ ՀԱԿՈԲՅԱՆ
Կարդացեք նաև
Լուսանկարը՝ ru.uefa.com-ի
