Ճանաչված մարզիկ, աշխարհի, Եվրոպայի, ԱՊՀ երկրների քիքբոկսինքի չեմպիոն Վ. Մ.-ն Ավան եւ Նոր Նորք վարչական շրջանների ընդհանուր իրավասության դատարանի դատավճռով դատապարտվել էր 12 տարի ժամկետով ազատազրկման:
Մեղադրողը` Հայկ Չախոյանը պահանջել էր տասնհինգ տարվա ազատազրկում:
Վ. Մ.-ն մեղադրվել էր Դավիթ Օհանյանին դանակահարելու եւ նրան սպանելու համար: Պաշտպան Լուսինե Մարտիրոսյանը դիմել էր ՀՀ քրեական վերաքննիչ դատարան՝ դատավճռի հետ կապված: Նշենք, որ բողոք էր բերել նաեւ դատախազը, նա վիճարկել էր պատժաչափը:
Դատավոր Արշակ Խաչատրյանի նախագահությամբ օրեր առաջ բողոքները լսվեցին, եւ դատավճիռը մնաց անփոփոխ ուժի մեջ:
Կարդացեք նաև
ՀՀ քրեական օրենսգրքի 34-104-րդ հոդվածի 2-րդ մասի 1-ին կետով և 104-րդ հոդվածի 1-ին մասով առաջադրված մեղադրանքը վերաորակվել էր և Մ.-ն մեղավոր էր ճանաչվել ՀՀ քրեական օրենսգրքի 34-104-րդ հոդվածի 2-րդ մասի 1-ին կետով ու ազատազրկվել 12 տարի ժամկետով:
Պատժի կրման սկիզբը հաշվել 2011 թվականի սեպտեմբերի 21-ից:
Վ. Մ.-ն արդարացվել էր ՀՀ քրեական օրենսգրքի 118-րդ, ճանաչվել էր անպարտ` նրա արարքում հանցակազմի բացակայության հիմքով: Նրանից հօգուտ Հայաստանի Հանրապետության, որպես դատական ծախս կբռնագանձվի 293 000 ՀՀ դրամ:
ՀՀ փաստաբանների պալատի անդամ, պաշտպան Լուսինե Մարտիրոսյանը վճռաբեկ բողոք է պատրաստում, սակայն ըստ նրա, Վ. Մ.-ն ու նրա հարազատներն այնքան ցնցված են, որ դեռ չեն հայտնել իրենց դիրքորոշումը դատավճիռը երրորդ ատյան բողոքարկելու համար:
Ռուզան ՄԻՆԱՍՅԱՆ
