Հայկ Ալումյանի խոսքով, Արտակ Բուդաղյանն ուներ բոլոր հնարավորությունները քրեական գործի վարույթը կարճելու եւ իր նկատմամբ քրեական հետապնդումը դադարեցնելու համար, եթե հայտարարեր, որ դեմ չէ համաներման կիրառմանը։
«Բայց Արտակ Բուդաղյանն ինքը պնդեց, որ գործը պետք է գնա դատարան, որովհետեւ դատարանում մենք ամեն ինչ կանենք, որ ապացուցենք, որ դեպքը տեղի է ունեցել ոչ թե այնպես, ինչպես նկարագրում է Պաշտպանության նախարարության քննչական ծառայությունը եւ զինդատախազությունը, այլ տրամագծորեն հակառակ կերպ»,- ասաց փաստաբանը՝ պարզաբանելով, որ գործը դատարան պետք է գնար ըստ մեղադրանքի Զարզանդ Նիկողոսյանի եւ
Տիգրան Խաչատրյանի՝ սպանության եւ ծանր մարմնական վնասվածքներ հասցնելու մեղադրանքներով, սակայն նրանց նկատմամբ քրեական գործի վարույթը կարճվել է եւ այլ բան չէր մնում, քան գոնե գործն այս ձեւով մտցնել դատարան։
Սպանված Ավետիք Բուդաղյանի իրավահաջորդի ներկայացուցիչ եւ Արտակ Բուդաղյանի պաշտպան Հայկ Ալումյանին պետք է տրամադրվեն գործի նյութերը, որոնք կազմում են 10 հատոր։ «Ամեն ինչ արեցին գործի նյութերը չտրամադրելու համար, հիմա ուզած-չուզած պետք է տրամադրեն»,- ասաց Հայկ Ալումյանը։ Նա մեզ հայտնեց, որ նյութերին ծանոթանալու համար նախաքննական մարմնից 14 օր է ուզել։
Կարդացեք նաև
Նշենք, որ թեպետ Արտակ Բուդաղյանի նկատմամբ տարածվում էր 2013 թվականի համաներում կիրառելու մասին Ազգային ժողովի որոշումը, սակայն Բուդաղյանը չի համաձայնել, որ իր նկատմամբ համաներում կիրառվի եւ համաներում կիրառելու մասին համաձայնության դիմում չի ներկայացրել։
Անի ԳԵՎՈՐԳՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
