Սյունիքի մարզի ընդհանուր իրավասության դատարանում շարունակվում են 2010թ. օգոստոսի 28-ին Գրիգոր Պապայանի սպանության գործով Գևորգ, Ջորջ, Հակոբ, Կարապետ Թոսունյանների եւ Սահակ Սահակյանի դեմ հարուցված քրեական գործով դատական նիստերը:
Հիշեցնենք, որ դեպքի օրը՝ Քաջարանի մշակույթի տան մոտակայքում գործող սրճարանի բացօթյա հատվածում վիճաբանել էին Սահակ Սահակյանը, Գեւորգ Թոսունյանը ու Գրիգոր Պապայանը: Դատական վերջին նիստի ժամանակ դատավոր Դավիթ Գրիգորյանը հրապարակել է ամբաստանյալ Սահակ Սահակյանի մոր եւ եղբոր հայտարարությունը, ինչպես նաեւ ցուցմունքները չեն համապատասխանում իրականությանը:
Ըստ այդ հայտարարության եւ ցուցմունքների՝ սպանությունը կատարել էր ոչ թե Սահակ Սահակյանը: Իր տղային՝ Գեւորգ Թոսունյանին այս գործից «հանելու» համար հայրը՝ Հակոբ Թոսունյանը, քննիչին եւ դատախազին տվել է 60 000-70 հազար դոլար գումար:
Այդ հայտարարությունը, որը ուղարկվել էր ՀՀ նախագահի վերահսկողական բաժին, իրավապահ մարմիններ, հիմք էր դարձել Թոսունյանների ընտանիքի նկատմամբ քրեական հետապնդում իրականացնելու համար:
Կարդացեք նաև
Պաշտպանական կողմը, ՀՀ փաստաբանների պալատի անդամ Վահագն Մանուկյանը միջնորդել է, որպեսզի դատարան գան ամբաստանյալի մայրն ու եղբայրը:
Այս գործով նախաքննությունը սկսվել է 2012թ. սեպտեմբերի 6-ից և շարունակվել է մինչև մայիսի 5-ը։ Իսկ գործի շրջանակներում 9 հոգի կալանավորված է։
Ռուզան ՄԻՆԱՍՅԱՆ
