Ապրիլի 9-ին երեկոյան ժամը 22-22.30-ի սահմաններում, Կապանում Սյունիքի մարզի ընդհանուր իրավասության դատարանի շենքի ուղղությամբ կրակոց արձակած անձի ինքնությունը դեռ հայտնի չէ, ինչպես նաեւ պարզ չեն կրակոցի արձակման պատճառները: Այս մասին Aravot.am-ին տեղեկացրեցին Սյունիքի մարզի քննչական բաժնից:
Բաժնի տրամադրած տեղեկատվության համաձայն՝ ապրիլի 9-ին 3 կրակոց է արձակվել դատարանի շենքի ուղղությամբ, որի հետեւանքով վնասվել են շենքի ապակիները, մարդկային որեւէ վնաս չի եղել:
Գնդակների թողած հետքերի արտաքին դիտումներից հնարավորինս պարզ է դարձել, որ կրակոցն արձակվել է ոչ մարտական զենքից, սակայն սա միայն նախնական տվյալների համաձայն, հստակ եզրակացություն դեռ չի տրվել:
Քննչական բաժնից հավաստիացրեցին, որ այլ մանրամասներ դեպքի վերաբերյալ դեռ հայտնի չեն, քննությունն այս պահին շարունակվում է, կատարվածի վերաբերյալ հստակ ինֆորմացիա կհաղորդվի քննության ավարտից հետո միայն:
Կարդացեք նաև
Մերի ՍՈՂՈՄՈՆՅԱՆ
Ինչ էլ սիրուն շենք են սարքել:
Կապանում էլ դեռ ֆեոդալա-կոմունիստական բարքեր են:Այսպիսի պայմաններում մարդկանց մեջ բացասական էներգիա է կուտակվում,որովհետև արդարություն/արդարադատություն չեն ստանում: Ֆեոդալա-կոմունիստական բարքերից ազատագրման բանալին դեսենտրալիզացիան է.այսինքն՝ կառավարում ՏԵՂԱԿԱՆ ընտրված անկախ մարմինների կողմից ու ՏԵՂԱԿԱՆ անկախ կուսակցություններ ստեղծելու հնարավորություն: