Ռիզոտոն իտալական ամենահայտնի ճաշատեսակներից է: Ռիզոտոյի համար պետք է հատուկ տեսակի բրինձ, ամենատարածվածը արբորիո տեսակն է: Կան բրնձի մի քանի այլ տեսակներ եւս, որոնք օգտագործվում են ռիզոտոյի համար, կարեւորը, որ լինեն կլոր եւ օսլայի բարձր պարունակությամբ:
Ռիզոտոյի անթիվ-անհամար տեսակներ կան, այսօր կներկայացնենք ծնեբեկով (լատիներեն՝ asparagus, իսկ ռուսերեն՝ спаржа) եւ կիտրոնով ռիզոտոն, որը շատ բուրումնավետ է, անչափ համեղ եւ յուրահատուկ: Իսկ ծնեբեկը, ինչպես հայտնի է, ոչ միայն չափազանց համեղ, այլեւ՝ անչափ օգտակար բույս է, որը, ցավոք սրտի, թարմ վիճակով շատ կարճ ժամանակ է լինում մեր շուկաներում, եւ հիմա իսկը ծնեբեկի ժամանակն է, եւ ուղղակի չի կարելի պահը բաց թողնել եւ հնարավորին չափ չօգտագործել այդ հրաշք բույսը:
Անհրաժեշտ մթերքներ
Բրինձ (արբորիո տեսակի կամ ռիզոտոյի համար նախատեսված որեւէ այլ տեսակի)- 250-300 գ
Կարդացեք նաև
Ձիթապտղի յուղ- 4 ճաշի գդալ
Կարագ- 50 գ
Ծնեբեկ- մեկ կապ
Կիտրոն- 1 հատ
Սոխ – 1 գլուխ (ավելի նախընտրելի է պրաս տեսակի սոխը, որը սուպերմարկետներում վաճառվում է «բուլղարական սոխ» անվան տակ)
Սպիտակ գինի- 1-2 բաժակ
Հավի արգանակ- մոտ մեկ լիտր
Պարմեզան պանիր- 50-100 գրամ
Պատրաստման եղանակը
Ձիթապտղի յուղն ու կարագը միասին լցնել թավայի մեջ, մարմանդ կրակի վրա տաքացնել, մեջը լցնել մանր կտրած սոխը եւ լվացած ու պոչերը կտրած ծնեբեկի համեմատաբար կոշտ մասերը, քերել կամ մանր կտրատել կիտրոնի կեղեւը:
Երբ սոխը թափանցիկ դառնա (չթողնեք մգանա), վրան լցրեք բրինձը, խառնեք, երեք -չորս րոպե, թող բրինձն էլ բանջարեղենի հետ տապակվի մարմանդ կրակի վրա, մինչեւ բրինձն էլ թափանցիկանա: Վրան լցնել սպիտակ գինին, հենց բրինձը ամբողջությամբ ներծծի գինին, ավելացրեք եռացող արգանակից այնքան մինչեւ ծածկվի բրինձն ամբողջությամբ՝ մեկ-երկու շերեփ: Սպասեք մինչեւ այդ արգանակն էլ ներծծվի, կրկին ավելացրեք մեկ-երկու շերեփ, էլի սպասեք մինչեւ ներծծվի:
Վրան լցնել սպիտակ գինին, հենց բրինձը ամբողջությամբ ներծծի գինին, ավելացրեք եռացող արգանակից այնքան մինչեւ ծածկվի բրինձն ամբողջությամբ՝ մեկ-երկու շերեփ: Սպասեք մինչեւ այդ արգանակն էլ ներծծվի, կրկին ավելացրեք մեկ-երկու շերեփ, էլի սպասեք մինչեւ ներծծվի: Վերջին, երրորդ անգամ արգանակը ավելացնելուց անմիջապես հետո լցրեք ծնեբեկի վերին հատվածը, սպասեք մինչեւ կիսով չափ ներծծվի արգանակը, ավելացրեք քերած պարմեզանը եւ անջատեք կրակը: Նկատենք, որ ռիզոտտոն՝ բրձի մեջ օսլայի բարձր պարունակության պատճառով եւ արգանակը քիչ-քիչ ավելացնելու շնորհիվ մածուցիկ է լինում, թավշյա եւ կրեմային, իսկ պարմեզանն ավելացնելուց հետո ավելի սերուցքային համ ու բաղադրություն է ստանում: Վստահաբար, այս ճաշատեսակը կդառնա ձեր նախընտրելիներից մեկը:
Եթե հանկարծ ձեր պատրաստած ռիզոտոն ավելանա, հաջորդ անգամ տաքացնելիս կրկին մի քիչ արգանակ ավելացրեք, նոր տաքացրեք:
Բարի ախորժակ:
Հ. Գ.– Չզարմանաք, որ բաղադրատոմսում աղ չկա՝ հավի արգանակի միջի աղը եւ պարմեզանի աղիությունը լիովին բավարար են ռիզոտոյին: Նկատենք, որ հավի արգանակը կարելի պատրաստել նախօրոք՝ հավի ոսկորներից (ավելի բուրումնավետ լինելու համար ավելացրեք նաեւ գազար, նեխուրի (քյարաուզի) ցողուն, սոխ եւ սխտոր եւ եփեք մոտ մեկ ժամ): Կարող եք քամել արգանակը, լցնել պլաստմասե տարաների մեջ (օրինակ դատարկ մածունի կամ թթվասերի տուփի մեջ) եւ պահել սառցարանում, իսկ պետք եղած ժամանակ լցնել կաթսայի մեջ եւ եռացնել ու օգտագործել:
