«Մենք չենք ներկայացնելու ճանապարհային քարտեզներ, որովհետեւ մենք կուսակցություններ չենք»,- այսօր՝ ապրիլի 12-ին, «Դեմ եմ» հավաքի ընթացքում հայտարարեց նախաձեռնության անդամ Գեւորգ Գեորգիսյանը: Նա նշեց, որ այս շարժումը չէր լինի, եթե լինեին արհմիություներ, որի գործը իրենք են վերցրել:
Գեւորգ Գեորգիսյանը հայտարարեց, որ ուրբաթ օրը՝ ապրիլի 18-ին, մեծ բողոքի ակցիա է տեղի ունենալու, որի մանրամասները չեն հրապարակվելու՝ իշխանությունները թող նյարդայնանան, նրա խոսքերով՝ դա կլինի անակնկալ օրինապահների համար: Գեւորգ Գեորգիսյանը նշեց, որ շուտով իրենց կայքում նախագահին ուղղված նամակի ձեւ է լինելու, որով Սերժ Սարգսյանից պահանջելու են կատարել ՀՀ Սամանադրությամբ իրեն ստանձնված պարտականությունները՝ պաշտպանել ՀՀ քաղաքացիներին.
«Չենք հանձնվելու մինչեւ, հասնենք մեր ուզածին: Մենք հոգնել ենք սպասելուց, մենք ապրել ենք ուզում եւ հասնելու ենք դրան»:
Հավաքի վերջին ելույթը նախաձեռնության անդամ Արսեն Մանուկյանինն էր, որը իր խոսքում նշեց, որ իրեն ուրախացնում է մի փաստ, որ այդ երեւույթների հետեւանքով իրենց պայքարը ավելի բուռն է դառնում եւ իրենք ավելի ու ավելի են միանում.
Կարդացեք նաև
«Արդեն մի քանի ամիս է մեր բողոքի ձայն ենք բարձրացնում տարբեր ատյաններում, բայց պահն է հասունացել, որ արձանագրենք մի փաստ, մինչեւ այժմ այդ բոլոր կառույցները դրսեւորել են իրենց թուլակամ, մի բան պարզ է դարձել, որ որոշ քաղաքական գործիչներ, բացի «ջայլամի» քաղաքականությունից, ոչ մի բանով չեն զբաղվում»:
Նրա խոսքով՝ավելի բարձր կանգնած պաշտոնյաները պետք է ոչ միայն գնահատական եւ հակահարվածը տալ, եւ նախագահն էլ պետք է անմասն չմնա. «Այդ պաշտոնը ստանալիս նա երդում է տվել Ավետարանի եւ Սահմանադրության վրա եւ պետք է տեր կանգնի իր պետությանը, եթե չէ, մենք տեր կկանգնենք»:
Ամի ՉԻՉԱԿՅԱՆ
