«Աննախադեպ բան եղավ Սահմանադրական դատարանը որոշում կայացրեց ժողովրդի օգտին»,- այսօր՝ ապրիլի 12-ին «Դեմ եմ» հավաքի ընթացքում հայտարարեց «Դեմ եմ» նախաձեռնության անդամ Լեւոն Հարությունյանը: Նա հնարավոր է համարում, որ ԱԺ-ում քննարկումներ անցկացվեն եւ նախաձեռնության անդամները գնալու են ԱԺ-ը, որպեսզի իրենց օգտին որոշում կայացնեն: Լեւոն Հարությունյանը ողջունեց, շարժման իգական սեռի անդամներին եւ նշեց, որ նրանք նախաձեռնության վաթսուն տոկոսն են կազմում:
Դավիթ Մանուկյանը նշեց, որ այսուհետեւ հարթակից կկարողանան ելույթ ունենալ իգական սեռի ներկայացուցիչները եւ բեմ հրավիրեց նախաձեռնության անդամ Սրբուհի Ղազարյանը: Նա հայտարարեց, որ բարոյական օրենքները պետք է գրվեն բարոյական մարդկանց կողմից. «Այն պետությունում, որտեղ քաղաքացիներն ազատ են, քաղաքացիները կարող են զարգանալ, այդ դեպքում պետությունը կարող է հաղթահարել ներքին եւ արտաքին թշնամիներին»:
Ինֆորմացիոն տեխնոլոգիաների ձեռնարկությունների միության գործադիր տնօրեն Կարեն Վարդանյանը նույնպես ներկա էր հավաքին, նա հայտարարեց, որ «Դեմ եմ»-ը օրինակ է ծառայում ժողովրդին եւ համարում է, որ նախաձեռնության օրինակին շատերը կհետեւեն, եւ այդ եղանակով Հայաստանը կարող է դառնա իրավական պետություն. «Ես հիշում եմ, որ քսանհինգ տարի առաջ այստեղ կանգնած էր Մովսես Գեորգիսյանը եւ հայտարարում էր «Կեցցե՛, այն Հայաստանը, որ վաղն է գալու»:
Ամի ՉԻՉԱԿՅԱՆ
Կարդացեք նաև
