Aravot.am-ը Երեւանի քաղաքապետի տեղակալ Արամ Սուքիասյանին խնդրեց մեկնաբանել այն միջադեպը, որի ժամանակ, ապրիլի յոթին քաղաքապետ Տարոն Մարգարյանի անունից բաժանվող անվճար վարդերի ու բացիկների համար հերթեր էին գոյացել Հանրապետության հրապարակում, ու կանայք քաշքշել էին մեկմեկու:
«Երեւույթի մասին ոչինչ չունեմ մեկնաբանելու, միայն կարող եմ ափսոսանք հայտնել: Մյուս կողմից էլ, դա կարող եմ համարել տոնական աժիոտաժ, որը ինչ-որ տեղ մի քիչ կոշտ, բայց երեւի նորմալ երեւույթ է: Ուրեմն սպասումը կար, ուրեմն ավանդույթը արժե շարունակել, պարզապես պետք է մտածել մի քանի նոր կետեր մտցնելու մասին: Ի դեպ, եղել են դեպքեր, որ այս կամ այն նվերը արհամարհվել է: Եվ եթե կանայք այժմ այսքան հաճույքով, ուրախությամբ ստանում էին այդ ծաղիկները, ուրեմն դա էլ գնահատական է»,-ասաց Երեւանի քաղաքապետի տեղակալը:
Հավելենք, որ մարտի ութից ապրիլի յոթն ընկած հատվածում տոնակատարությունների վրա քաղաքապետարանը ծախսել է 20 մլն դրամ:
Գոհար ՀԱԿՈԲՅԱՆ
