Ռուսաստանը չէր պատրաստվում Ղրիմն իր կազմին միացնել, որոշումը կայացվել է տեղի բնակիչների տրամադրության մասին տվյալներ ստանալուց հետո, հայտնել է ՌԴ նախագահ Վլադիմիր Պուտինը «Համառուսական ժողովրդական ճակատի» հետ հանդիպման ժամանակ: Փոխանցում է «ԻՏԱՌ-ՏԱՍՍ»-ը:
«Ես վերջնական որոշում կայացրեցի այն ժամանակ, երբ պարզ դարձավ մարդկանց տրամադրությունները: Մենք չէինք սպասում դեպքերի նման զարգացմանը», – ասել է Պուտինը՝ պնդելով, որ իրենք մարդկանց ցանկության մասին իմացել են գաղտնի անցկացված սոցիոլոգիական հարցումներից, ըստ որի՝ Ղրիմի բնակչության 80%-ը կողմ էր Ռուսաստանին միանալուն, իսկ Սևաստոպոլում էլ ավելի: «Միանգամից պարզ դարձավ, որ մեր ընտրած ճանապարհը ճիշտ է», – ավելացրել է նա՝ շնորհակալություն հայտնելով ղրիմցիներին իրենց դիրքորոշման համար:
Պուտինը նաև խոսել է Ղրիմում նախատեսված ծրագրերի մասին, որոնցից են՝ սուբսիդավորումից շրջանը դարձնել դոնորայինի և արդյունաբերության համար պայմաններ ստեղծել:
Պատրաստեց Հովհաննես ԻՇԽԱՆՅԱՆԸ
