Ռուսաստանը հանդես է գալիս ղարաբաղյան հակամարտության խաղաղ կարգավորման օգտին: Այս մասին հայտարարել է ՌԴ ԶՈւ Գլխավոր շտաբի ղեկավար, բանակի գեներալ Վալերի Գերասիմովը Ադրբեջանի պաշտպանության նախարար, գեներալ-գնդապետ Զաքիր Հասանովի հետ հանդիպման ընթացքում:
«Մենք Գլխավոր շտաբի ղեկավարի հետ քննարկեցինք հետագա ռազմատեխնիկական համագործակցության հարցերը. դրա ընդլայնման համար կան հեռանկարներ: Ե՛վ Ռուսաստանի, ե՛ւ Ադրբեջանի, ե՛ւ Հայաստանի համար գլխավոր խնդիրներից մեկը Ղարաբաղի հարցի լուծումն է՝ այն առումով, որ առաջ շարժվենք եւ բացառենք դրա զարգացման ռազմական հնարավորությունները»,- ասել է նա: Լեռնային Ղարաբաղի հակամարտության առնչությամբ Հասանովը նշել է. «Հույս ունեմ, որ լինելով ԵԱՀԿ Մինսկի խմբի համանախագահող՝ Ռուսաստանը կնպաստի այս հարցի խաղաղ կարգավորմանը»:
«Առավոտ» օրաթերթ
