Քիչ առաջ ԵԽԽՎ-ն 145 «կողմ» և 21 «դեմ» ձայների հարաբերակցությամբ ընդունեց ԵԽԽՎ-ում ռուս պատվիրակներին մեկ տարով քվեարկելու իրավունքից զրկելու մասին բանաձևը:
Ինչպես արդեն տեղեկացրել էինք, ԵԽԽՎ գարնանային նստաշրջանում դրված է ԵԽԽՎ-ում Ռուսաստանի պատվիրակությանը մեկ տարով քվեարկության իրավունքից զրկելու հարցը:
ԵԽԽՎ Մոնիթորինգի հանձնաժողովի ներկայացրած բանաձևում նշված է. «Մոնիթորինգի հանձնաժողովը կարծում է, որ Ռուսաստանի Դաշնության գործողությունները, որոնք հանգեցրին Ղրիմի անեքսիային, Ռուսաստանի կողմից իրականացվող ռազմական ճնշումը Ուկրաինայի հանդեպ և այլ գործողություններ, հակասում են Վեհաժողովի որդեգրած սկզբունքներին: Եվ որպես կատարվածի դատապարտում և ՌԴ-ի նկատմամբ անվստահության հայտնում` Մոնիթորինգի հանձնաժողովը քվեարկության դրված բանաձևով առաջարկում է 2014-ի բոլոր նստաշրջանների ընթացքում, այսինքն` մեկ տարով ՌԴ պատվիրակներին զրկել քվեարկելու իրավունքից:
Տաթև ՀԱՐՈՒԹՅՈՒՆՅԱՆ
