«Գողերի տեղը բանտն է, այլ ոչ թե նախագահականը», – այսպես արձագանքեց Թուրքիայի մեծությամբ երկրորդ ընդդիմադիր ուժի` «Ազգայնական շարժում» կուսակցության առաջնորդ Դևլեթ Բահչելին երկրի քաղաքական դաշտում վերջին օրերին շրջանառվող այն տեղեկություններին, թե մոտ ապագայում վարչապետ Ռեջեփ Էրդողանը կհայտարարի նախագահական ընտրություններին մասնակցելու իր մտադրության մասին:
Ներքաղաքական իրավիճակը Թուրքիայում տեղական ինքնակառավարման մարմինների մարտի 30-ին կայացած ընտրություններից հետո ոչ միայն չհանդարտվեց, այլև գնալով ավելի է թեժանում:
Երեքշաբթի օրը Թուրքիայի խորհրդարանի շենքում հարձակման ենթարկվեց ընդդիմադիր Ժողովրդա-հանրապետական կուսակցության առաջնորդ Քեմալ Քըլըչդարօղլուն: Ընդդիմության առաջնորդին հարվածած անձը իշխող «Արդարություն և զարգացում» կուսակցության շարքային անդամ Օրհան Օվեթն էր: Ազգային մեծ ժողովի շենքը հսկող ոստիկանները Օվեթին արագորեն վնասազերծեցին: Մի քանի ժամ անց էլ հայտնի դարձավ, որ առաջին իսկ հարցաքննության ժամանակ Օվեթը հայտարարել է․ – «Իմ հարձակման գլխավոր պատճառը Քըլըչդարօղլուի նախընտրական ելույթներն էին»:
Գեւորգ Ստամբոլցյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
