Դատարանում է լրատվամիջոցի հայցն ընդդեմ մեկ այլ լրատվամիջոցի՝ հեղինակային իրավունքի խախտումները վերացնելու և փոխհատուցում վճարելու պահանջով: Սա, թերևս, լրատվամիջոցների միջև առաջին դատական վեճն է՝ հեղինակային իրավունքների խախտման վերաբերյալ:
Այսպես, հայցվոր «Հետաքննող լրագրողներ» հասարակական կազմակերպության ներկայացուցիչ Գրիշա Բալասանյանը տեղեկացրեց, որ «Առաջին լրատվական» ՍՊԸ-ի «Առաջին» բլոգը «Հետքի» հեղինակային երկու հոդվածներ վերցրել ու առանց պատշաճ հղման տեղադրել է դրանք:
«Հետաքննող լրագրողները» դիմել են դատարան՝ պահանջելով վերականգնել իր՝ հայցվորի իրավունքը, այն է՝ կայքից հեռացնել այդ նյութերը կամ օրենքին համապատասխան հղումներ անել, ինչպես նաև՝ վճարել փոխհատուցում 200 հազար դրամի չափով:
«Փաստինֆո»-ի թղթակիցը դատարանից տեղեկացնում է, որ այսօրվա առաջին նախնական դատական նիստին հայցվոր կողմը ներկայացրել է նաև հայցադիմումի լրացում, որում տեղ են գտել հայցադիմում ներկայացվելուց հետո պատասխանող ընկերության կողմից հեղինակային իրավունքների խախտմամբ ևս 6 հոդվածներ վերցնելու դեպքեր:
Կարդացեք նաև
Նյութի մանրամասները կարդացեք սկզբնաղբյուր կայքում
