Այսօր՝ ապրիլի 9-ին՝ մամուլի ասուլիսի ընթացքում, «Ներազգային ազատագրական շարժում» քաղաքացիական նախաձեռնության անդամները հայտարարեցին , որ վաղը՝ ապրիլի 10-ին, պատրաստվում են բողոքի ակցիա անցկացնել՝ «Գազպրոմից» պահանջելով գազի գնի վերանայում եւ գանձված գումարների փոխհատուցում:
Քաղաքացիական նախաձեռնության անդամները իրենց խոսքում մեղադրեցին «Գազպրոմին» գրպանահատության մեջ եւ հայտարարեցին, որ ընկերությունն ամբողջ ժողովրդի առաջ պետք է պատասխան տա:
Aravot.am-ը փորձեց ճշտել «Գազպրոմ Արմենիա» ՓԲԸ-ից՝ տեղյակ են արդյո՞ք նախաձեռնության անդամների հայտարարություններից եւ որո՞նք են ընկերության պարզաբանումները: Մեր հարցումներին «Գազպրոմ Արմենիա» ՓԲԸ-ի լրատվական ծառայության ղեկավար Շուշան Սարդարյանը պատասխանեց.
«Մենք տեղյակ ենք այդ տղայի հայտարարություններից, նախկինում էլ է հայտարարություններ արել, բայց մենք ոչ մասնագիտական հայտարարությունները չենք մեկնաբանում»:
Կարդացեք նաև
Ամի ՉԻՉԱԿՅԱՆ
