Վարչական դատարանի դատավոր Ա. Սարգսյանն այսօր հրապարակեց «Հելսինկյան քաղաքացիական ասամբլեա Վանաձորի գրասենյակ» իրավապաշտպան կազմակերպության վարչական գործով դատարանի որոշումը:
Հելսինկյանները դիմել էին դատարան՝ պահանջելով պաշտպանության նախարարությունից տրամադրել իրենց տեղեկատվություն, թե ինչ տեսակի գրենական պիտույքներ, սնունդ եւ հագուստ է մատակարարվում բանակին եւ մատակարարների անունները:
Դատարանը որոշեց պարտավորեցնել պաշտպանության նախարարությանը դիմումատու իրավապաշտպան կազմակերպությանը տրամադրել մատակարարների ցանկը, ինչպես նաեւ ինչ տեսակի հագուստ, գրենական պիտույքներ են մատակարարվում պաշտպանության նախարարությանը:
Որոշումը կարող է բողոքարկվել մեկ ամսվա ընթացքում:
Իրավապաշտպան կազմակերպությունը որոշումը կստանա վաղը:
Ռուզան ՄԻՆԱՍՅԱՆ
