ՄԱԿ-ի Գլխավոր քարտուղար Բան Կի-մունը երկուշաբթի ուշ երեկոյան հանդես է եկել հայտարարությամբ, որտեղ դատապարտել է Սիրիայի Հոմս քաղաքում տարեց քահանա Ֆրանս վան դեր Լուգտի սպանությունը, ինչպես նաև հայաբնակ Քեսաբում տեղի ունեցած բռնությունները:
Անդրադառնալով Քեսաբում ստեղծված իրավիճակին՝ ՄԱԿ-ի Գլխավոր քարտուղարն ասել է, որ իրեն սարսափեցրել են զարհուրելի այն պատկերները, որտեղ պատկերված է հայաբնակ Քեսաբ քաղաքում իրականացված սպանդը:
«Չնայած ՄԱԿ-ը չի կարող հաստատել այս դաժանությունների մասին ստացված հաղորդագրությունների վավերությունը, մարդու իրավունքների կոպիտ խախտումներն, անկասկած շարունակվում են, և Քեսաբի նման ամբողջ գյուղերի բնակիչները ստիպված են լինում փախուստի դիմել», – ասել է ՄԱԿ-ի գլխավոր քարտուղարը՝ միաժամանակ խիստ անհանգստություն արտահայտելով այն հանգամանքի կապակցությամբ, որ ՄԱԿ-ի Անվտանգության խորհրդի կողմից որպես ահաբեկչական նշված խմբավորումները շարունակում են ահաբեկել խաղաղ բնակչությանը:
Հոդվածն ամբողջությամբ՝ սկզբնաղբյուր կայքում
Կարդացեք նաև
