ԱԻՄ առաջնորդ Պարույր Հայրիկյանը «Դեմ եմ» քաղաքացիական նախաձեռնությանը լուրջ չի վերաբերում:
«Դեմ եմ-ի հետ ոչ մի կապ չունենք, չենք ունենա, բայց կենսաթոշակային պարտադիր կուտակայինին դեմ արտահայտվել ենք, որովհետեւ դա ինքնորոշման եւ պարտադիրի հակամարտություն է: Մենք ինքնորոշման կողմնակիցն ենք… իսկ «Դեմ եմ-ները» անցողիկ երեւույթ են որեւէ խելոք մարդ «դեմ եմ» ով ասպարեզ չի իջնում, նա ասում է՝ ինչին է կողմ: Մի քանի օր առաջ «Դեմ եմ»-ի անդամները հպարտանում էին, գրկախառնվում, լացում, թե հաղթեցինք, իսկ այսօր էլի ցույց են անում, նրանց մաղթում եմ մի քիչ գրագիտանալ»,- ասաց պարոն Հայրիկյանը:
Մեզ հետ զրույցում պարոն Հայրիկյանն ասաց, որ «Դեմ եմ»-ի երիտասարդները ինքնախաբեությամբ են զբաղված. «Իրենք հիացա՞ծ են էդ արդյունքով, եթե հիացած են, ապա իրենց հիացմունքը խաբուսիկ էր… նրանք անպատասխանատու մարդիկ են, ասում են՝ հիմա անում ենք հենց այնպես»:
Մեր հարցին ՍԴ-ի որոշումը կենսաթոշակային օրենքի վերաբերյալ ինչի՞ արդյունքն էր՝ պատասխանեց. «ՍԴ-ն ինչ որոշում է ընդունել, որ արդյունք էլ լիներ, ՍԴ-ն որեւէ լուրջ բան չի որոշել, պետք է կարճ, կոնկրետ ասեր՝ հակասահմանադրական է, օրենքը հետ ենք ուղարկում, սխալները ուղղեք, նոր մտցրեք շրջանառության մեջ: Բայց ասաց՝ օրենքը մնում է ուժի մեջ, վեց ամսվա մեջ մի քանի բան կա, ուղղեք: Եթե օրենքում հակասահմանադրական տարր կա, պետք է կասեցվի»:
Կարդացեք նաև
Արփինե ՍԻՄՈՆՅԱՆ
